Ambasadaoro Kolejy - Toko Faha-18
NY FIRENENA ISIRAELY TALOHA - MANINONA NO "VOAFIDIN'ANDRIAMANITRA" IZY?
Maninona no miresaka betsaka momba ny Israely ny Baiboly? Inona no ifandraisan'ny "firenena voafidin'Andriamanitra" sy ny Kristiana notorontoronin’ny fanahy ankehitriny? Inona marina ny anjara toeran’ny Isiraely taloha amin'ny planin’ny famonjen'Andriamanitra?
---------------------------------------------------------------------------------------------------------------------------
ANDRIAMANITRA dia tsy mizaha tavan’olona (Asa.10:34). Na izany aza, dia nofidiny ny firenen'Israely taloha ho "vahoaka voafidiny". Nahoana?
Ny ankamaroan'ny olona dia nahare fa Andriamanitra nanangana ny Isiraely taloha mba ho olony manokana. Na izany aza, saika tsy misy ny mahatakatra fa tsy nomena azy ireo ny Fanahiny Masina sy ny famonjena mandrakizay, afa-tsy tamin’ireo mpaminaniny sy ny olona sasany hafa voafidy. Nahoana?
Ny Isiraely fahiny dia olona voafidin'Andriamanitra- tsy voafidy hahazo tombontsoa manokana, fa ho an'ny TANJONA manokana fiomanana amin'ny fananganana farany ny Fanjakan'Andriamanitra!
Ny Baiboly, Boky Momba Ny Isiraely
Mety hahagaga anao ny mahafantatra fa ny Baiboly dia tena mifantoka amin'ny firenen’Israely fahiny. Ary ny ankamaroan'ny firenena hafa dia tsy voatanisa raha tsy rehefa nifandray tamin'ny Israely. Fa nahoana?
Araka ny efa nianarantsika teo aloha, mampitombo ny tenany ao anaty sy amin'ny alalàn'ny olona Andriamanitra Mpamorona amin’izao fotoana izao. Ny hery miavaka lehibe ananan'ny olombelona dia ny ho teraka indray andro any ao amin'ny Ankohonan’Andriamanitra ary hanjaka amin’ny Onivera manontolo. Ny planin’Andriamanitra dia tena mahavariana loatra! Ary ny famoronana ny firenena Israely fahiny dia ampahany manan-danja amin'ny planin’Andriamanitra.
Zava-dehibe ny hahatakarantsika ny fikasan'Andriamanitra ho an'ny firenen'Isiraely fahiny, satria raha tsy misy an'io fahalalana lehibe io, dia tsy afaka mankasitraka tanteraka sy mahatakatra ny tena tanjon’Andriamanitra ho an’ny olombelona sy ny hery lehibe mitatao tsy mampino ananan’ny olombelona!
Ankehitriny, dia efa vonona isika ny hanomboka hianatra ity tantara mahatalanjona ity. Hanomboka amin'ny alàlan'ny famerenana indray ny famelarana ny planina lehiben'Andriamanitra nanomboka tamin'i Adama sy Eva hatramin'ny nanorenana ny firenena Isiraely. Avy eo dia ho jerena ny fanorenana ny Fiangonan'Andriamanitra ao amin’ny Testamenta Vaovao - ny "Isiraely ara-panahy" ankehitriny. Ary farany, ho hitantsika ny anjara asan'ny firenen'Isiraely ao amin'ny planin’Andriamanitra mandritra sy aorian'ny Fanjakana Arivo Taona.
Saingy alohan'ny hanombohana, dia ataovy eo akaikinao ny Baibolinao raha mbola tsy nanao izany ianao. Tena zava-dehibe ny mijery sy mamaky ny andinin-tSoratra Masina tsirairay nomena ho valin'ireo fanontaniana. Ary maninona no tsy adika ireo andinin-tSoratra Masina ireo, toy ny ny mpanjakan'Isiraely fahiny nomen’Andriamanitra baiko hanoratra ny lalàn'Andriamanitra? (Deot.17:18-20.) Hanampy anao izany hahatakatra sy hitadidy ireo fahamarinana lehibe hianaranao.
Andao hanomboka hianatra io taranja lehibe io.
LESONA 18
Avy eo amin'i Adama ka Hatramin'i Abrahama
Namorona ny olombelona voalohany ho lavorary Andriamanitra. Na izany aza, dia tapany tsy vita amin'ny asan'Andriamanitra izy ireo. Ny toetra ara-panahin'Andriamanitra dia tsy maintsy namboarina ho an'i Adama sy Eva sy ireo mety ho taranany. Ary amin'ny fizotran'ny fanamboarana ny toetra, ny olombelona dia tsy maintsy manana ny anjara asany manokana.
Araky ny nianarantsika tao amin'ny lesona faha-14, Andriamanitra Mpanambara ny fahalalana ara-panahy dia nolavin’i Adama sy Eva. Ny fandavany an Andriamanitra dia midika fa nolavin'izy ireo ihany koa ny fitondrany, dia ny lalàny fitiavana. Naleony nisafidy ny lalam-piainan’i Satana hoe "mandray", fomba fiaina mifantoka amin’ny tenany ihany, misy fireharehana, fitsiriritana, ny faniriana sy ny fialonana, ny fifaninanana mitondra amin’ny fifandirana, ny herisetra, ny fanapotehana ary ny fikomiana amin'ny fahefana.
1. Iza amin'ireo zanak'i Adama no nantsoin'i Jesosy Kristy hoe "marina"? Mat.23:35. Iza avy ireo lehilahy roa hafa "niara-nandeha tamin'Andriamanitra" talohan'i Abrahama? Gen.5:22; 6:9.
FANAMARIHANA: Sema dia razamben'i Abrama mivantana. Mety efa nanohy nandritry ny fotoana ela teo amin'ny fahalalana ary angamba tamin’ny fivavahana tamin'Andriamanitra. Saingy tsy misy firaketana ny momba azy na olon-kafa "niara-mandeha tamin'Andriamanitra" hatramin'ny andron'i Noa ka hatrany amin’i Abrama. Nantsoin'Andriamanitra manokana i Abrama mba hanana anjara amin’ny fiomanana amin'ny fametrahana ny Fanjakan'Andriamanitra.
3. Moa ve Andriamanitra nilaza tamin'i Abrama handao ny tanindrazany ary hankany amin'ny tany izay hasehony azy? Gen.12:1. Inona no nampanantenain'Andriamanitra azy raha mankatoa Azy izy? Andininy 2-3.
FANAMARIHANA: Mariho fa misy dingana roa ny fampanantenana nataon'Andriamanitra tamin'i Abrama. Ny ampahany voalohany- ny taranany a ra-nofo dia ho tonga firenena lehibe-dia ara-materialy na ara-batana, sy ho an’ny firenena (Gen. 12:2). Ny ampahany farany amin'ny fampanantenana dia ara-panahy ho an'ny tsirairay - ny fampanantenana ny fahatongavan’ny Mesia sy ny famonjena mety azo avy Aminy (Gen. 12:3, tapany farany).
4. Nankatoa ny toromarik'Andriamanitra ve i Abrama sady tsy nanohitra no tsy nanontany? Gen.12:4. Taiza no nitondran'Andriamanitra azy? Gen.12:5-7.
5. Moa ve Andriamanitra nanitatra ireo fampanantenana ara-batana sy nasionaly ireo tamin'i Abrama? Gen.17:1-8.
FANAMARIHANA: Nampanantena Andriamanitra fa hisy firenena sy mpanjaka avy amin'ny taranak’i Abrahama, ary hahamarobe ny taranak'i Abrahama Izy. Nampanantena an’i Abrahama sy ny taranany maro koa Andriamanitra ny handovany "ny tany Kanana rehetra."
6. Moa ve ireo fampanantenana ireo nataony tsy misy fepetra? Gen.22:15-18.
7. Naverin'Andriamanitra tamin'i Isaka, zanak'i Abrahama ve izany fampanantenana izany? Gen.26:1-5. Ary tamin'i Jakoba, zanak'i Isaka? Gen.27:26-29; 28: 13-14; 35:9-12. Niova ho iza ny anaran'i Jakoba? Gen.35:10.
FANAMARIHANA: Andriamanitra dia nampanantena tamin'i Abrahama, Isaka ary Jakoba ny fanambinana nasionaly sy ny "tehim-panjakana" nampanantenaina ho famonjena mandrakizay avy amin'i Jesosy Kristy.
2. Avy tamin’ny zanak'i Noa iza moa i Abrama (izay nantsoin'Andriamanitra hoe Abrahama taty aoriana)? Gen.11:11-27.
FANAMARIHANA: Sema dia razamben'i Abrama mivantana. Mety efa nanohy nandritry ny fotoana ela teo amin'ny fahalalana ary angamba tamin’ny fivavahana tamin'Andriamanitra. Saingy tsy misy firaketana ny momba azy na olon-kafa "niara-mandeha tamin'Andriamanitra" hatramin'ny andron'i Noa ka hatrany amin’i Abrama. Nantsoin'Andriamanitra manokana i Abrama mba hanana anjara amin’ny fiomanana amin'ny fametrahana ny Fanjakan'Andriamanitra.
3. Moa ve Andriamanitra nilaza tamin'i Abrama handao ny tanindrazany ary hankany amin'ny tany izay hasehony azy? Gen.12:1. Inona no nampanantenain'Andriamanitra azy raha mankatoa Azy izy? Andininy 2-3.
4. Nankatoa ny toromarik'Andriamanitra ve i Abrama sady tsy nanohitra no tsy nanontany? Gen.12:4. Taiza no nitondran'Andriamanitra azy? Gen.12:5-7.
6. Moa ve ireo fampanantenana ireo nataony tsy misy fepetra? Gen.22:15-18.
Fampanantenana ho an'i Abrahama Ny "Tany Nampanantenaina", eo ho eo amin'ny faritra misy ny fanjakana maoderina an'ny Isiraely ankehitriny, no tany nihavian'ny taranak’i Abrahama. Nampanantena Andriamanitra fa ho betsaka toy ny fasika eny amoron-dranomasina sy ny kintana eny amin'ny lanitra izy ireo. Ny fampanantenana sasany, momba ny fanjakana sy ny ara-panahy, dia hotanterahina an'arivo taona maro aty aoriana. |
8. Moa ve i Jakoba (Israely) nampita ny fitahian'i Abrahama tamin'ireo zanany? Gen.49:1-2. Iza no nahazo ny tehim-panjakana nampanantenaina? Andininy 10. Ary nankamin'iza ireo tsodrano nahaterahany? Andininy 22-26; 1Tantara.5:2.
Raha tsy manana an'io boky voalaza etsy aloha io ianao, dia manorata haingana aminay handefasanay izany. (Ampiasao ny tapakila fampiasa sy ny valopy hita ao afovoan’ity lesona ity mba hangatahanao izany maimaimpoana.) Raha efa voavakinao io boky io, dia avereno jerena indray. Ity boky mahavariana ity dia manome fampahalalana fototra izay tsy afaka ho hita tsara ao amin'ity lesona ity, fa izay ilainao ho fantatra tsara ihany no ato, mba hahazoanao tsara ny lohahevitra ianarantsika.
Lasa 'vahoaka voafidy' ho an'Andriamanitra ny Isiraely
Araka ny efa voalaza teo aloha, nanana zanaka 12 lahy i Isiraely (Jakoba taloha). Ny zanany tiany indrindra, dia i Josefa, izay namidin'ireo rahalahiny ho andevo. Nentina tany Egypta i Josefa ary lasa mpanapaka faharoa taorian'i Farao. Nisy mosary lehibe no nahatonga ny patriarka Isiraely nandefa ny zanany tany Egypta hividy sakafo, ka tany no nihaonany indray tamin'i Josefa.
1. Moa ve Isiraely, noho ny fangatahan'i Farao sy i Josefa, dia namindra ny fianakaviany ho any amin'ny tany Egypta noho ny mosary tany amin'ny tany Kanana izay nonenany? Gen.45:9, 17-18. Taiza izy ireo no nipetraka? Gen.46:28.
3. Fony tany Egypta dia nihamaro indrindra ve ny zanak'Israely? Eks.1:7.
4. Taorian'ny nahafatesan 'i Josefa, moa ve nisy Farao hafa izay tsy nahalala an'i Josefa nanandevo ny zanak' Israely? Andininy 8-14.
5. Hitan'Andriamanitr'i Abrahama sy Isaka ary Jakoba ve ny fahorian'ny Isiraelita tany Egypta ? Eks. 3: 7. Nampanantena ve Izy fa hanafaka azy ireo amin'ny fanandevozana sy hitondra azy ireo ho any amin'ny tany nampanantenainy an'i Abrahama? Andininy 8.
FANAMARIHANA: Andriamanitra dia nifidy an'i Mosesy hitarika ny zanak'Israely hivoaka avy tany Egypta . Nataony niofana manokana mialoha i Mosesy hiatrika izany iraka izany tamin'ny alalàn'ny fananganana azy ho andriana tao amin'ny lapan'i Farao Egyptiana (Eks.2:1-10). Notendren'Andriamanitra hanampy an'i Mosesy rahalahiny koa i Aarona, amin'ny maha-mpitondra teniny azy (Eks.4:10-16).
7. Andriamanitra ve nikasa ny handefa loza hanjo an'i Egypta raha tsy namela handefa ny Israelita i Farao? Eks.3:19-20.
FANAMARIHANA: Tamin'ny loza manaraka nalefan'Andriamanitra tamin'i Egypta, Andriamanitra dia nampahafantatra an’ireo Egyptiana fa tsy misy dikany ireo andriamanitra sy sampy hivavahany ireo, ary fa tsy manam-pahefana ireo andriamanitra ireo, ary tsy afaka manampy an'i Egypta.
FANAMARIHANA: Nandao an'i Egypta ny Isiraelita noho ny fampirisihan'i Farao. Saingy rehefa lasa izy ireo, dia niova hevitra izy ary nitarika ny tafiny hanenjika an'i Israely. Nony tonga tany amin'ny Ranomasina Mena ny zanak'Israely dia nijanona teo an-dàlana. Toa niseho ho voafandrika izy ireo. Teo anoloan'izy ireo dia nisy rano malalaka ary tao aorian'izy ireo dia nanenjika mafy ny tafik'i Farao. Tsy nisy zavatra azon'izy ireo natao. Nijoro teo fotsiny izy ireo fa tsy afa-nanoatra! Tsy maintsy niantehitra tamin'Andriamanitra izy ireo tamin’izany.
FANAMARIHANA: Tany Egypta, Andriamanitra dia nahatonga ny famotsorana ny Isiraely tamin'ny fanandevozana noho ny loza goavambe. Izao indray dia nanao fahagagana Andriamanitra nahatonga ny ranon'ny Ranomasina Mena hihemotra ho lasa fefy rano amin'ny andaniny roa, ka nahatonga lalana malalaka sy maina teo anelanelany. Nandeha tany maina ny Isiraelita.
10. Moa ve nanandrana nanenjika ny Isiraely namakivaky ny Ranomasina Mena i Farao sy ny tafiny manontolo? Andininy 23. Inona no nanjo azy ireo? Andininy 24-31.
FANAMARIHANA: Rehefa tonga teo ampitan'ny Ranomasina Mena ny Israelita, dia nitodika nijery ary nahita an'i Farao sy ny tafiny niditra tamin'ny lalana nalehany. Rehefa teo anelanelan'ny manda rano ireo miaramila rehetra, dia navelan'Andriamanitra hianjera tampoka ny rano, ary nahafaty ny tafika Egyptiana. Avy eo ny Israelita dia nankany an-tendrombohitra Sinay, izay nasain'Andriamanitra nanorenany lasy.
11. Tao amin'ny Tendrombohitra Sinay, inona no fifanekena nataon'Andriamanitra tamin'ny zanak'Isiraely tamin'ny alàlan'i Mosesy mpanompony? Eks.19:3-6. Nanaiky ny fanekena nataon'Andriamanitra ve ny vahoaka? Andininy 7-8. La inona ny Isiraely eo anatrehan'Andriamanitra? Lev.26:12; Deot.29:13.
FANAMARIHANA: Andriamanitra dia nanolotra tamin’Isiraely fifandraisana manokana amin'ny tenany. Ny olona dia naniry ny ho tonga “harena miavaka [tsy hafahafa, fa manokana] ho an'Andriamanitra». Naniry izy ireo ho "fanjakam-pisorona" sy "firenena masina". Nanaiky ny ho eo ambany fitondrana teokratikan’Andriamanitra izy ireo, ary noho izany dia ho lasa vahoaka voafidin'Andriamanitra.
Tamin'ny alàlan'i Mosesy, Andriamanitra dia nanolotra ny zanak'Israely ny fifanekena iray izay nantsoina hoe "Fanekena Taloha". (Ny Fanekena tamin'i Isiraely tany Sinai dia karazana sy mpialoha ny Fanekena Vaovao. Ity farany ity dia hatao miaraka amin'ny FIANGONAN’ny Testamenta Vaovao, izay Isiraely ara-panahy. Ny lohahevitra momba ny Testamenta Taloha sy Vaovao dia ho hita ao amin'ny lesona faha-17.)
12. Raha vao voamarina ilay fanekena, inona ny fitahiana ara-nofo izay nampanantenain'Andriamanitra ny Isiraely-raha hankatoa ny didiny izy ireo? Deot.28:1-14; Lev.26:1-13.
13. Nampanantena ve Andriamanitra fa ho lasa firenena lehibe ny Isiraely raha toa ka mankatoa Azy? Deot.4:5-8. Mety ho ohatra ho an'ny firenena rehetra eto an-tany ve ny Isiraely? Andininy mitovy.
FANAMARIHANA: Raha toa ny Isiraely dia nitandrina ny didin 'Andriamanitra, dia ho lasany ny tsodrano rehetra izay azo vinaniana. Ary ho hitan'ny firenen-kafa ny ohatra omeny sy ny fitahiany, ary ho naniry ny hankatoa an'Andriamanitra koa izy ireo!
14. Inona no ozona mety hitranga raha tsy nankatoa an'Andriamanitra ny Isiraely? Deo.28:14-68; Lev.26:14-39.
15. Moa ve ny Isiraely dia nasaina mifidy na ny fitahiana ara-nofo sy fiainana ela amin'ny andaniny, na ozona sy fahafatesana amin’ny ankilany? Deo.30:15-20.
FANAMARIHANA: Napetrak'Andriamanitra teo anatrehan'ny Isiraely ny zava-drehetra. Nomeny azy ny lalàny, izay tokony hankatoaviny, ary nolazainy amin’ny an-tsipiriany izay hitranga raha misafidy ny hankatoa na tsy hankatoa izy ireo. Raha mankatoa ny lalàny izy ireo ary manaiky ny fitondram-panjakany, dia homeny fanambinina izy ireo, ka hataony manankarena indrindra sy matanjaka indrindra eo amin'ny firenena. Nefa diniho amin’izany rehetra izany fa ny fitahiana dia ho an'ny firenena sy materialy ihany no nampanantenain'Andriamanitra. Tsy nampanantena ny fiainana mandrakizay izy ireo. TSY NATOLOTRA azy ireo ny famonjena ara-panahy Izy!
Nanao safidy ratsy Israely
Ankehitriny andeha hojerena ny nataon'i Isiraely rehefa nomena azy ireo ny fahalalana ny fomba fiainan’Andriamanitra ary rehefa nanaiky ny hankatoa an'Andriamanitra izy ireo.
1. Taorian'ny fifanekena teo amin'Andriamanitra sy Israely dia niantso an'i Mosesy ho any an-tendrombohitra Sinay Andriamanitra, ary nijanona 40 andro tany izy. Inona no nangatahan'ny Isiraelita tamin'i Arona raha vao lasa i Mosesy? Eks.32:1. Ahoana no namalian'i Arona? Andininy 2-5.
2. Inona no vokatry ny fahotan'Isiraely? Andininy 35.
3. Tamin'ny taona faharoa taorian'ny nivoahany tany Egypta, rehefa tonga tany an'efitr'i Parana ny Isiraely, dia nandidy an'i Mosesy handefa mpisafo tany 12 tany Kanana Andriamanitra. Inona no hataon'izy ireo? Nom.13:17-20.
Fitahiana noho ny fankatoavanaNampanantenain'Andriamanitra ny Isiraely taloha fa hahazo fitahiana tsy hita pesimpesenina ara-materialy izy ireo raha mankatoa Azy (Lev.26; Deot.28). Saingy tsy nankatoa ny Isiraely ary nanangona ozona kosa. Ankehitriny, an'arivo taona maro aty aoriana, dia nahazo fitahiana be ny taranak'i Abrahama avy amin'i Josefa, noho ny fampanantenana nataon’Andriamanitra tamin'ireo razambeny, dia Abrahama, sy Isaka ary Jakoba, sy ny fankatoavan’ireo Azy.. Ozona noho ny tsy fankatoavanaNampitandrina ny Isiraely taloha Andriamanitra fa hihatra aminy ny ozona marobe raha tsy mankatoa Azy izy (Lev.26; Deot.28). Nefa tsy nankatoa Azy ny vahoaka, ka nijaly noho ireny ozona rehetra ireny. Amin’izao fotoana izao, an'arivo taona maro aty aoriana, rehefa avy nahazo fitahiana betsaka tsy mampino ireo taranany, na dia tsy mendrika izany aza izy ireo, dia hahazo ozona marobe koa noho ny fahotany, na nataon’ny tsirairay, na nataon’ny firenena. |
4. Inona ny karazana tatitra nentin'ireo lehilahy ireo nody? Nom.13:25-28, 32-33. Vokatr'izay,moa ve nitaraina tamin'Andriamanitra ny vahoaka Israelita ary te hiverina tany Egypta ? Nom.14:1-4.
FANAMARIHANA: Nahatoky tamin'ny fanekena nataony tamin’Isiraely Andriamanitra. Niroborobo tokoa izy ireo noho ny fankatoavan'izy ireo teo ambany fitarihana marin'i Josoa.
5. Moa ve Andriamanitra nitahy ny taranaka mandimby amin'ny Isiraely araka ny nampanantenainy fa hataony raha mankatoa Azy izy ireo? Jos.21:43-45.
6. Nanohy ny fankatoavany an’Andriamanitra ve ny zanak’Israely taorian’ny nahafatesan’i Josoa? Mpitsara 2:8, 10-13.
Na izany aza, Andriamanitra dia nifandray tamin'ny Isiraely. Teo ambany fanjakan'i Davida sy i Solomona zanany lahy dia nambinin'Andriamanitra tokoa ny firenena. Na izany aza, satria nanao fanompoan-tsampy i Solomona (1Mpanjaka 11:1-8), taorian'ny nahafatesany, dia nampisaraka ny firenena ho roa Izy, dia ny Firenen’Isiraely tao avaratra ary ny Firenen'i Joda tao atsimo (and. 29-38).
Nandritra ny fotoana nanjakan'ny mpanjaka maro, Andriamanitra dia nitalaho tamin'ny Isiraely sy Joda olony tamin'ny alàlan'ny mpaminaniny - nananatra azy ireo hiverina amin'ny lalany. Saingy nandritry ny an-jato taona maro, izy ireo dia nandà tsy nandray ny lesona izay efa tokony ho nampianarin’ny traikefa azy ireo.
Maninona no nivadika tamin’ny fanekeny izy ireo
Maninona ny Isiraely no tsy nahavita nitandrina ny fanekena nataony tamin’Andriamanitra, na dia nambaran’Andriamanitra taminy aza ny lalàny, ary nametraka ny fitantanany teo amin’izy ireo Izy ary nanaiky hankatoa azy ireo? Mba hamaliana izany fanontaniana izany, mila fantarintsika ny tanjon'Andriamanitra tamin'ny nisafidianana ny Isiraely ho olony.
1. Inona no antony nanaovan’Andriamanitra ny Isiraely ho vahoaka voafidiny? Deo.7:6-11; 10:15.
Nefa raha tokony ho nandray ny anjara fitarihana teo amin'ireo firenena amin'ny fitandremana ny didin'Andriamanitra izy ireo, dia nanaraka ny lalana sy ny fomban'ireo firenena mpanompo sampy nanodidina azy ireo! Tsy nahomby tanteraka izy ireo tamin’ny naha-"fanjaka-mpisorona" sy "firenena masina" azy ireo (Eks.19:5-6), ary tsy ohatra tsara ho an'ny tontolo manaraka izy.
Fa nahoana? Tsy afaka nankatoa an'Andriamanitra ve izy ireo? Ny valin'io fanontaniana io dia mitondra antsika eo anoivon'ity lesona ity!
2. Ahoana moa ny ilazan’ny Baiboly ny fo na ny sain'ny olombelona? Jer.17:9. Moa ve mety ho vitan’ny olombelona nofo aman-drà, izay tsy manana ny Fanahin'Andriamanitra, ny manaiky ny Làlan’Andriamanitra? Rom.8:7.
Tsy nomena ny Fanahin'Andriamanitra ny Isiraely amin'ny ankapobeny. Ny mpaminaniny sy ny mpitarika notendren'Andriamanitra ihany no nomena ny Fanahy Masina (Nomery 14:24; 1Petera 1:10-11). Arak’izany, dia tsy nanohitra an'i Satana ny Isiraelita ary tsy nanaiky an'Andriamanitra.
Tsy nahatsapa ny tsy fananany ny herin'Andriamanitra ny Isiraely fahiny rehefa nanaiky ny hevitry ny Fanekena Taloha. Tena nila indrindra ny fanampiana ara-panahy izy ireo, saingy tsy takatr'izy ireo izany. Tena sahirana be aza izy ireo tamin’ny fitandremana ny soratry ny lalàna!
Ny taranaka maro teo amin'ny Isiraely sy Joda dia nanaporofo ihany koa fa rehefa tsy misy ny Fanahy Masina avy amin'Andriamanitra, ny sain'ny olona dia tsy mahay mandray sy mampiasa ny fahalalana ny fomba fiainana ara-panahin’Andriamanitra araka ny voafaritry ny Lalàny ara-panahy, dia ny Didy Folo. Ary toy izany no nanehoan'Andriamanitra tamin'ny Isiraely fa ny fisainan'ny olona, miaraka amin'ny fanahy "olombelona" nefa tsy misy ny fanampian'ny Fanahy Masin'Andriamanitra, dia tsy afaka ny hanaiky an'Andriamanitra na hamaha ny olana sy ny faharatsiana ara-panahy amin'ny olombelona. Ny olombelona nofo aman-drà dia tsy afaka handray sy hahasitrana ireo olana ara-panahy manjo ny olombelona! Nampiasa an'Israely taloha Andriamanitra mba hanoratra ho an'ny tantara ireo lesona tsy azo adinoina, izay tian'Andriamanitra hianaran’ny olombelona rehetra rehefa tonga ny fotoana hisokafan’ny fahalalana ara-panahy ho an'ny rehetra - tsy ho an'ireo Isiraelita taloha ihany, fa ho an'ny olona rehetra izay niaina hatrizay!
Isiraely ara-panahy antsoina ankehitriny
Ny fampanantenana natao tamin'i Abrahama dia roa sosona, ny materialy sy ny ara-panahy. Na izany aza, ny Fanahy Masina sy ny famonjena ary ny fiainana mandrakizay dia tsy natolotra ho an'ny Isiraely fahiny, afa-tsy amin'ireo vitsy izay nantsoin'Andriamanitra mba hanatanteraka iraka manokana, dia ny fanomanana ny fametrahana ny Fanjakan'Andriamanitra.
Andao hodinihina ny lafiny ara-panahy amin'ny fampanantenana nanomboka tamin'ny andron'i Abrahama ka mandraka androany.
1. Inona marina no ampahany faharoa amin'ny fampanantenan'Andriamanitra tamin'i Abrahama? Gen.12:3, tapany farany.
FANAMARIHANA: Ny fampanantenana ny "tehim-panjakana" dia mikasika ny taranaka mpanjaka iray mipoitra avy amin’i Joda ary miafara ao amin'i Jesosy Kristy ary ny fiainana mandrakizay amin'ny alàlany.
3. Manaporofo ve ny Lioka 3:23, 34 fa taranaka mivantana avy amin'i Abrahama i Jesosy? Moa ve Izy nipoitra avy tamin'ny firenen'i Joda? Andininy 33. Jereo koa ny Hebreo 7:14.
FANAMARIHANA: Nosoratan'i Lioka ny tetirazan'i Jesosy avy tamin'i Maria reniny. I Josefa, voatonona ao amin'ny Lioka 3:23, dia vinanton'i Hely, rain'i Maria. Ary dia nasehon'i Lioka fa avy amin'i Abrahama mivantana i Jesosy (andininy 34).
Ny iray amin'ireo antony nahatonga an'i Kristy tety an-tany ho olombelona efa ho 2 000 taona lasa izay dia ny hitory ny Filazantsaran'ny Fanjakan'Andriamanitra amin'ireo sisa tavela tamin'ny Isiraelita izay nipetraka tany Palestina. Nandidy azy ireo Izy hoe: "Mibebaha ianareo ka minoa ny filazantsara" (Marka 1: 14-15).
Fa tsarovy fa tsy nesorin'Andriamanitra ny fahajambana ara-panahy izay mbola nanafotra ireo zanak'Israely tamin'izany.
4. Nahoana no tamin'ny fanoharana no niresahan’i Jesosy tamin'ny vahoaka? Marka 4:10-11. Nataony mba hampazava kokoa ny fampianarany ve izany? Andininy 12. Tsy ho fanatanterahana ny faminaniana hita ao amin'ny Isaia ve izany? Isa.29:10, 14.
FANAMARIHANA: Andriamanitra dia tsy nikatsaka ny hanome fahalalana sy fibebahana ara-panahy ho an'ny zanak'Israely amin'ny ankapobeny rehefa tonga i Kristy. Ny fahazoan'ny Isiraely ny famonjena dia mbola ho avy, araka ny ho hitantsika tsy ho ela.
5. Tsarovy tamin'ny fanadihadiana teo aloha fa tsy misy olona afaka manatona an'i Kristy ary tena miova fo raha tsy nantsoin’ny Ray (Jaona 6:44). Taorian'ny telo taona sy tapany nitoriany, firy ny nantsoin'ny Ray ho mpianatr'i Kristy? Asan’ny Apostoly 1:15.
FANAMARIHANA: Tamin'ny olona an'arivony maro izay nandre an'i Jesosy nitory ny vaovao tsaran'ny Fanjakan'Andriamanitra, dia 120 ihany no nino!
6. Nampanantena ve i Jesosy fa handefa ny Fanahy Masina ho an'ny mpianany? Jaona 16:7; 14:26. Taiza no nasain'i Kristy niandrasany mba hahazoany ny Fanahin'Andriamanitra? Lioka 24:49.
7. Oviana no nahatanteraka ny teny fikasana handefasan’ Andriamanitra ny Fanahiny Masina? Asa 2: 1-4.
FANAMARIHANA: Tamin'ny Pentekosta taona 31, 50 andro taorian'ny nitsanganan'i Kristy, dia nirahin'Andriamanitra ny Fanahy Masina mba hahatorontoronina sy hanome hery ny mpianatr'i Kristy.
8. Iza no nitsangana hiteny amin'ny vahoaka maro be jiosy tafangona izay avy tamin'ny firenena maro tamin'ny andro Pentekosta? Asan’ny Apostoly 2:14. Vokatry ny toriteniny, firy no nantsoin'Andriamanitra? Andininy 41. Inona no nataon'izy ireo mba hahazoana ny Fanahin'Andriamanitra? Andininy 38.
9. Vantany vao nahazo ny Fanahin'Andriamanitra ireo olona niova fo vaovao ireo, mpikambana amin’ny inona avy hatrany izy ireo? 1Kor.12:13. Inona no tena noresahin'i Paoly? Andininy 27; Efes.1:22-23; Kol.1:18.
Ireo izay nantsoin'Andriamanitra ho ao amin'ny Fiangonany tamin'io andro Pentekosta mendrika ho tadidiana io dia ny Jiosy, na ny Jiosy proselyta (Asa 2:5, 14). Tsy nisy olona jentilisa (tsy Jiosy) niova fo tamin'izay fotoana izay.
10. Oviana ary tamin'ny fomba ahoana no nanokafan'Andriamanitra ny famonjena tamin'ny Jentilisa? Tokony hamaky ny Asan’ny Apostoly toko faha-10 ianao, indrindra ny andininy 34-35. Jereo ihany koa ny Asan 28:28.
FANAMARIHANA: 10 taona teo ho eo taorian'ny namoronan'Andriamanitra ny Fiangonany ara-panahy dia nanomboka niantso ny Jentilisa hibebaka sy hahazo ny famonjena Izy. Fa ny fampanantenana ny famonjena kosa dia natao tamin'i Abrahama sy ny taranany! Ahoana ary no nahatonga ny Jentilisa ho lasa mpandova an'izany fampanantenana izany?
FANAMARIHANA: Nasehon’i Paoly fa ny hany fomba mety haha-lasa mpandova ny fampanantenana ny famonjena natao tamin'i Abrahama dia ny hahatongavana ho anisan’ny zanaka ("taranaky") natsangan'i Abrahama ara-panahy, amin'ny alàlan'i Kristy!
Amin'izany, ny olona avy amin'ny firenen-drehetra dia mety ho lasa "isan’ny mpandova" ny fampanantenana ara-panahy nataon'Andriamanitra tamin'i Abrahama amin'ny alalan’ny fahatongavana ho "taranany" noho ny fanelanelanan’i Kristy.
Ahoana kosa ny amin'ny Isiraelita? Ampy ve ny maha Isiraelita noho ny fahaterahana ara-nofo? Sa tsy maintsy ho lasa an’i Kristy ihany koa izy ireo mba handraisany ireo fampanantenana?
Ao amin'ny Romana 11, i Paoly dia mampiseho ny fananganana ara-panahy antsika ao amin'i Kristy amin'ny alàlan'ny fampitoviana; Ny fananganana ny kristiana ho zanaka dia ohariny amin'ny rantsan-kazo natsofoka tamin'ny hazo oliva.
12. Moa ve nasehon'i Paoly fa nohajambaina ara-panahy ny Israelita, izay aseho amin'ny fakan’ny hazo oliva? Rom.11:7, 25. Nahoana? Andininy 20, 32.
FANAMARIHANA: Navelan'Andriamanitra ho jamba ara-panahy ny Isiraely mba hahatanterahan’ny planiny. Ary izany planina izany dia misy ny famonjena an'izao tontolo izao, anisan'izany ny Isiraely!
FANAMARIHANA: I Paoly dia nampitaha an’Isiraely tamin’ny hazo oliva tsara izay tapaka niala tamin’ny fotony noho ny tsy finoana sy ny tsy fankatoavana an'Andriamanitra. Izany no nahatonga ny fanatsofohan'Andriamanitra ny sampana hazo oliva maniry ho azy tao – dia ny hafa firenena.
FANAMARIHANA: Ny fahajamban'ny Isiraely taloha dia tsy hijanona mandrakizay. Tsy mbola tonga ny fotoana hahatakaran’ny sainy ny planin’ny famonjen'Andriamanitra, sy ny fandraisana anjara amin'izany, ary ny famonjena azy (Gal.3:26).
Nefa mandritr’izany, ny Isiraelita izay nantsoin'Andriamanitra, izay vitsy an’isa, dia lasa "Isiraelita ara-panahy". Amin'ny alàlan'i Kristy, izy ireo sy ny hafa firenena dia lasa mpikambana ao amin'ny Ankohonan'Andriamanitra ara-panahy (Efesiana 2:19) ary tafaray ho tena ara-panahy iray – dia ny Fiangonan'Andriamanitra! (Gal. 3:28.)
15. Ny Isiraely fahiny dia tsy nahazo niditra tamin'ny Fanahin'Andriamanitra. Na izany aza, lasa inona anefa izy ireo? 1Tan.13:2; Asan’ny Apostoly 7:38.
FANAMARIHANA: Israely dia nantsoina hoe "Isiraely izay tafangona" ary "fiangonana" satria ireo vahoaka Israelita ireo dia modely hita mason’ny Fiangonana ara-panahy izay natombok’i Kristy natsangana tamin'ny niaviany voalohany (Mat.16:18). Izany no ohatra iray hafa momba ny foto-kevitra fiaraha-mipetraky ny zavatra roa samihafa ao amin'ny planin’Andriamanitra.
Manomana ny Fanjakany misy dingana maro mifandimby Andriamanitra, ary araky ny foto-kevitra fiaraha-mipetraky ny zavatra roa samihafa. Voalohany, dia nisy ny Isiraely taloha tamin'ny Testamenta Taloha. Fiangonana ara-nofo izy io, ary tsy nanana ny Fanahy Masin'Andriamanitra. Izy io dia fiangonana ara-nofo na fiangonan'Isiraely fizika. Amin'ny vanim-potoan'ny Testamenta Vaovao, ny zanak'Andriamanitra notorontoronin’ny Fanahy Masina dia ny Fiangonan'Andriamanitra ara-panahy, izay misy mpikambana avy amin'ny firenena rehetra, izay lasa "Isiraelita ara-panahy" amin'ny alàlan'i Kristy. (Ity foto-kevitra fiaraha-mipetraky ny zavatra roa samihafa ity ao amin'ny fandaharan'asan’Andriamanitra dia asehon'ny Fanekena Taloha sy ny Fanekena Vaovao, dia ho hita ao amin'ny lesona manaraka.) . Ny Fiangonan'Andriamanitra ao amin'ny Testamenta Vaovao dia nahazo ny Fanahin'Andriamanitra. Ary ireo ao amin'ny Fiangonan'Andriamanitra dia oman'Andriamanitra amin'ny alàlan'ny Fanahiny mba ho teraka ao anatin'ny Ankohonany izay hanjaka, izay hamerina ny Governemantany eto an-tany amin'ny fiverenan'i Kristy!
16. Moa ve ireo ao amin'ny tena (na fiangonan'i Kristy) dia anisan'ny Ankohonan’Andriamanitra ara-panahy? Efes.2:19. Iza no fototr’io trano ara-panahy io? Andininy 19-22.
FANAMARIHANA: Eto i Paoly dia nampitaha ny Fiangonan’Andriamanitra amin'ny tranobe iray. Ireo mpaminany ao amin'ny Testamenta Taloha - miaraka amin'ny Apostoly ao amin'ny Testamenta Vaovao — no fototry ny tena Fiangonana marina, miaraka amin'i Jesosy Kristy ho fehizoro indrindra.
17. Moa ve ny patriarika sy ny mpaminany fahagola - ireo izay nantsoin'Andriamanitra talohan'ny nanorenan'i Kristy ny Fiangonan'ny Testamenta Vaovao - dia afaka nifandray tamin'ny Fanahy Masina? 1Petera 1:10-11.
FANAMARIHANA: Mariho fa "ny Fanahin'i Kristy ... dia tao amin'izy ireo." Andriamanitra dia nanome ny Fanahiny tamin’ireo izay nantsoiny hanatanteraka asa manokana. Ireo vitsy ireo dia nanana ny Fanahy Masina ary hateraka ao amin'ny Fanjakan'Andriamanitra, araky ny voalaza mazava tsara ao amin'ny Hebreo toko faha-11.
Toy izany koa, ireo izay nantsoina ho ao amin'ny Fiangonan'Andriamanitra ankehitriny dia manana asa lehibe hatao. Naniraka ny Fiangonany ankehitriny i Kristy mba hanambara ny Filazantsaran'ny Fanjakan'Andriamanitra manerana an'izao tontolo izao! (Mat.28:19-20; 24:14.)
18. Moa ve ireo ao amin'ny Fiangonan'Andriamanitra dia miofana koa hiatrika ny andraikitra any amin'ny Tontolo Rahampitso? Apok.2:26-27; 5:10; 20:4.
FANAMARIHANA: Ny Isiraely ara-panahy ankehitriny dia hofanina mba hiara-manjaka amin'i Kristy ho "fanjakà-mpisorona" ara-panahy rehefa miverina Izy. Hanampy Azy ireo mba hamerina amin'ny laoniny ny Fanjakan'Andriamanitra manerana an'izao tontolo izao ary hampianatra an’ireo firenena ny fomba fiainan’Andriamanitra mahafinaritra!
Fa ahoana kosa ny amin'ny Isiraely fahiny sy ny taranany? Tsy nahomby tanteraka ve izany firenena nofo aman-drà izany? Mbola ho afaka hanome ohatra ho harahin'izao tontolo izao ve izy io?
FANAMARIHANA: Ny dingana faharoa amin'ny fampanantenana " ary aminao no hitahiana ny firenena rehetra ambonin'ny tany" dia milaza ny Mesia ary famonjena avy amin'ny alàlany. Izany fampanantenana izany dia nampitaina tamin'i Isaka, zanakalahin'i Abrahama, ary avy eo tamin'i Jakoba zanany, toy ny ampahany materialy amin'ny fampanantenana (Gen.26:1-5; 35:9-12).
2. Iza tamin'ireo zanak’i Jakoba 12 lahy no nampitàna ny fampanantenana ara-panahy? Gen.49:10; Jaona 4:22.
FANAMARIHANA: Ao amin'ny 1Korintiana 12, ny Apostoly Paoly dia nampitovy ny tenan'ny olombelona sy ny Fiangonan'Andriamanitra. Ao amin'ny andininy 13 izy dia miresaka "« Fa Fanahy iray ihany no nanaovam-batisa antsika rehetra ho tena iray" – natsoboka - ao amin'ny "tena" ara-panahy, dia ny Fiangonan'Andriamanitra. Araka izany, rehefa mahazo ny Fanahin'Andriamanitra ny olona, dia lasa mpikambana ara-panahy amin'ny Fiangonan'Andriamanitra izy.
11. Ahoana no mahatonga ny olona iray tsy taranak'i Abrahama mivantana, ho lasa “mpandova" ny fampanantenana ara-panahy natao taminy? Gal.3:27-29.
Hitantsika koa ny Galatiana 3:7 manao hoe "fantaro fa izay amin'ny finoana no zanak'i Abrahama." Raha Kristiana notorontoronina ara-panahy ianao, dia tsy misy fanavakavahana ara-poko, fa i Abrahama no "rainao" ara-pinoana, ary tafiditra ao amin’ny lisitry ny mpandova ny fampanantenana ara-panahy ianao!
13. Moa ve ny fahatapahan’Isiraely tamin’ny hazo oliva no nahatonga ny Jentilisa afaka natsofoka tao? Romana 11:17, 24.
14. Nefa moa ve ny Isiraely-na dia efa "tapaka" aza, mety hatsofoka ao indray? Andininy 23-24.
Ny firenena modelin’Andriamanitra amin’ny Fanjakana Arivo Taona
Manambara Andriamanitra fa tsy nandao ny vahoaka voafidiny Izy. Tsy nanadino ny fanekeny tamin'ny Isiraely taloha Izy. Mbola hanome fotoana ho an'ny taranany maoderina Andriamanitra mba hiainany araky ny lalàny, na dia tsy nahomby nandritra ny arivo taona maro aza ny razambeny. Hankatoa izy ireo amin'ity indray mitoraka ity! Aoka ho azontsika ny fomba hanatanterahan'Andriamanitra izany amin'ny hoavy tsy ho ela.
1. Moa ve fantatr'Andriamanitra fa handao Azy sy ny lalany ireo tarak’i Abrahama? Deo.31:16. Ahoana no nanasazian'Andriamanitra azy ireo? Deo.31:17-18; Deo.4:25-28.
2. Araka ny voalazan'ny boky nosoratan'i Atoa Armstrong, The United States and Britain in Prophecy, ny faminaniana ara-Baiboly dia manambara fa ireo fokon'ny Isiraely manana ny anjara fizokiana (Efraima sy Manase), dia ho lasa babo indray noho ny fahotan'ny firenena miverimberina. Hiely eran-tany ve ny taranak’Isiraely maoderina? Isa.11:11-12. Hitodika amin'Andriamanitra ve izy ireo amin'ny fahoriany amin'ny andro farany? Deo.4:29-30. (Mariho manokana ireo teny hoe "any am-parany" ao amin'ny andininy faha-30.) Hahatsiaro ny fanekena izay nataony tamin'i Abrahama sy Isaka ary Jakoba ve Andriamanitra? Andininy 31.
4. Moa ve ity sesi-tanin’ny Isiraely ity lasa any amin'ny fahababoana manerantany dia ho lehibe lavitra noho ny sesi-tanin'izy ireo taloha tany Egypta tamin'ny andron'i Mosesy? Jer.16:14-15; 23: 3, 7-8.
Mariho fa ireo Isiraelita mitambatra ireo dia tsy novaina ho tsy mety maty rehefa miverina i Kristy, fa kosa averina any amin'ny Tany Nampanantenaina taloha nitoeran’ireo r azambeny amin'ny maha-olombelona ara-batana azy.
5. Rehefa miverina any amin'ilay tany nampanantenaina an'i Abrahama razambeny indray izy ireo, moa ve Andriamanitra dia hahatonga ny firenen'i Joda sy Isiraely ho iray ihany ve Andriamanitra? Ezek.37:16-22. Iza no ho mpanjakany? Andininy 24-25.
6. Moa ve Andriamanitra hanao izay ahazoan’ny vahoaka niverina Aminy indray hahita ny tenany tahaka Azy mahita ny tenany, ary hankahala ny tenany noho ny faharatsiany, ka hahatonga azy ireo amin’izay hibebaka? Ezek.20:42-44; Jer.31:8-9; 50:3-5. Hanadio azy ireo ho afaka amin'ny fahotany ve Andriamanitra? Ezek.36:24-25; Jer.33:7-8. Moa ve Izy hanome azy ireo ny Fanahiny Masina ihany koa hahafahan'izy ireo hankatoa Azy? Ezek.36:26-27; 11:19-20.
Tsarovy fa raha tsy nanana ny Fanahy Masina ny Isiraely taloha, dia tsy nanana "fo" hankatoa an 'Andriamanitra (Deo.5:29; 29:4). Saingy rehefa manome ny Fanahiny an'ny vahoaka voafidiny Andriamanitra, dia hijanona hankatoàa Azy izy ireo fa tsy hiala amin'ny lalam-piainany (Jer.32:39-40). Ny Fanahy Masin’Andriamanitra no mahatonga ny fahasamihafana! Ho afaka hahafantatra ny làlan'Andriamanitra sy hanaiky Azy avy amin'ny fony ny Isiraely!
7. Moa ve Andriamanitra handeha hampianatra ny Isiraely mibebaka sy notorontoronin’ny Fanahiny, mba hahalalany ny lalam-piainany? Isa.54:13; Jer.3:15. Hahatonga azy ireo ho teraka ao amin'ny Ankohonan’Andriamanitra manjaka ve izany? Isa.45:17; Rom.11:26-27.
9. Ny taranak'i Abrahama dia nambaran’ny mpaminany fa ho tonga maro tokoa (Gen.13:16). Mety hahatratra ny isa fara-tampony ve ny vahoaka Israely ao amin'ny Fanjakana Arivo Taona? Ezek.36:10-11; Isa.60:21-22. Ahoana no namaritan'Andriamanitra an'io Israelita mihabetsaka amin’ny ho avy any amin'ny faritra rehetra maneran-tany io? Isa.27:6.
Ny Isiraely fahiny dia ho lasa "Firenena Masina"
“Andriamanitra tsy nanary ny olony [Isiraely] izay efa fantany rahateo”, noy ny Apostoly Paoly (Romana 11:2). Ny Isiraely fahiny dia hanana fahafahana hahazo ny Fanahy Masin'Andriamanitra ary hankatoa an'Andriamanitra amin'ny fony koa. Ahoana anefa no hahatonga izany? Efa an'arivo taona maro no efa maty ireo Isiraelita ireo! Inona marina ny anjara toeran’ny firenen'Isiraely fahiny amin'ny planina mahatalanjona sy lehiben'Andriamanitra?
Mariky ny Fanahin'Andriamanitra maha-velona. Ny rano velona dia tandindon’ny Fanahy Masina hatolotr’Andriamanitra ho an’ny Zanak'Isiraely amin'ny Tontolon’ny Rahampitso. |
1. Tian’Andriamanitra ve ny hahafantaran'ny olombelona rehetra ny marina momba ny planin’Andriamanitra lehibe? 1Tim.2:4; 2Petera 3:9. Moa ve ny Isiraely rehetra homeny fotoana mba hahazoany famonjena ara-panahy? Rom. 11:26.
2. Moa ve ny fitsanganana amin'ny maty amin'ny fiainana ara-batana dia nolazain’ny mpaminany fa hitranga aorian'ny Fanjakana Arivo Taona? Apok.20:5 (ampahany voalohany), 11-13.
FANAMARIHANA: Ireo rehetra izay niaina sy maty hatramin'ny andron'i Adama ary tsy nahalala ny planin’ny famonjen'Andriamanitra dia hatsangana amin'ny maty ary homena fotoana hahafantarana! Izany fitsanganana amin'ny fiainana ara-batana izany dia mitranga aorian'ny Fanjakana Arivo Taona (Apok.20:4, 6). Ireo hatsangana amin'ny maty amin'izany fotoana izany, araky ny lazain'ny Baiboly, dia hiaina mandritry ny 100 taona (Isaia 65:20).
Ireo olona mety maty ara-batana ireo dia hanana ny anjarany marina voalohany hahazoany ny Fanahy Masin'Andriamanitra; afaka mitombo izy ireo ka hanefy ao anatiny ny toetra masina sy marin'Andriamanitra, ka ho teraka ao amin'ny Ankohonan’Andriamanitra izay manjaka amin’izao rehetra izao! Hampianarina ny fomba fiainan'Andriamanitra izy ireo ary hotsarain'ny Tenin'Andriamanitra (Apok.20:12) - tsy misy hafa amin'ny fitsarana ny mpikambana ao amin’ny Fiangonan'Andriamanitra ankehitriny (1Petera 4:17). (Ny fahamarinana mahatalanjona amin'ity fotoam-pitsarana ho avy ity dia ho lohahevitry ny lesona amin'ny ho avy.)
3. Moa ve hiseho eo anoloan'ny fitsaran’ny Seza Fiandrianana Fotsy Lehibe voalaza ao amin'ny Apokalypsy 20 ny Isiraely fahiny? Ezek.37:1-11. Mariho ny andininy faha-11. Inona no holazain'ny Isiraely rehefa haverin’Andriamanitra amin'ny fiainana fizika sy mety maty eto an-tany izy ireo? Andininy 11, ampahany farany. Ahoana no hamalian'Andriamanitra azy ireo? Andininy 12. Inona no homen'Andriamanitra azy ireo? Andininy 14. Moa ve ny Isiraely fahiny nahalala an'Andriamanitra marina? Andininy 13.
Ny fanoharana momba ny "lohasaha feno taolana maina" ao amin'ny Ezekiela 37 dia mampiseho ny Fanjakan'ny Isiraely rehetra - ireo jamba ara-panahy izay niaina sy maty tsy nahafeno ny fepetra.
Hatsanganana amin’ny maty ho amin'ny fiainana eto an-tany toy ny niainany taloha izy ireo. Io Ezekiela 37 io dia maneho fa hisokatra ny masom-panahin’izy ireo, ary hahatakatra voalohany indrindra – rehefa nomena azy ireo ny Fanahy Masin'Andriamanitra - ny lalan’Andriamanitra.
Farany, araka ny fanentanan'Andriamanitra an'i Paoly hanoratra hoe: "ary amin'izany dia hovonjena avokoa ny Isiraely rehetra” (Romana 11:26), ny Isiraely rehetra izay nahatanteraka ny anjara asa voatendrin'Andriamanitra ho ataony! Hanjary ho "firenena masina" araky ny nokasain'Andriamanitra tany am-boalohany izy ireo (Eksodosy 19:6).
No comments:
Post a Comment